Kung ang kamataya’y isang panibagong paglalakbay  aking Inay

Sa iyong pagtawid ala-ala nami’y baunin

Pagmamahal mo, pagkalinga,

mga pagtitiis at pagdurusa

Ngayo’y nakatakas ka na

Habang nakamasid ka sa ‘ming iyong naiwan

sa mga ibong nakasama mo,

sa mga talangka at sigay na  naging laruan mo

sa mga along kahabulan mo

at sa malawak na buhanginang naging palaruan mo

Nawa’y naalala mo ang mga ito sa paglisan mo

Mag-isang ninanamnam ang kalinga ng kalikasan

habang isang ala-ala na lamang ang yakap ng iyong ina

sa oyayi ng hangin, ipinaghele ka,

sapagkat ika’y maagang naulila

Lumaking salat sa pagmamahal sa magulang

Tanging kaibigan naging takbuhan

Inulila pa ng kapatid na turan

animo’y isang sadlak sa dusang nilalang

Pagkat ang isang kaibiga’y lumisan

Tuluyan nang humalik sa lupa

ang sarangolang dinagit ng hangin,

Tanging pumpon ng bulaklak

sa malamig na bato ang tangan mo

Nakaukit na ang pangalan mo

Ang naiwan sa ami’y mga ala-ala mo

Nang isang inang kasabay kong nangarap,

lumipad, kumalinga at sumalo sa aba ko.

Sa bawat ngiti ng mga munting anghel na kinalinga mo

isang munting kaluluwang pinanabikan mo

Konting sulyap lamang sana anak ko

Kahit ako’y malamig ng tila  yelo

Ngunit ito’y ipinagkait mo

Ngayon aking ina sa iyong paglalakbay

Baunin mo ang aming pagmamahal

Ihalik sa hangin aming mga pagmamahal

Ibulong sa Diyos na kami’y bantayan

Yakapin ng pagmamahal kahit sa panaginip lang

Nawa sa iyong pagtawid sa kabilang buhay

masilayan mo ang kaginhawahang

di natikman sa palad ko

]]> http://szhayne.wordpress.com/2009/07/16/4/feed/ 2 szhayne http://szhayne.wordpress.com/2009/07/14/tinta-ng-imahinasyon/ http://szhayne.wordpress.com/2009/07/14/tinta-ng-imahinasyon/#comments Tue, 14 Jul 2009 07:48:37 +0000 szhayne http://szhayne.wordpress.com/2009/07/14/tinta-ng-imahinasyon/ ]]> Nais kong magsulat ngunit walang mamutawi sa kakintalan ng aking isipan, Palaging tulala at blangko ang mundo. Sabi ng kaibigan kong manunulat, ang pagsusulat ay parang panganganak din, Sa bawat pagsilang ng isang sanggol, nababalot ito na parang cocoon, Ngunit kapag pinutol na ang pusod na nag-uugnay sa sanggol at sa kanyang ina, unti-unti nagkakaroon na rin ng sariling buhay ang sanggol tulad sa pagsusulat, kapag natapos mong gawin ang burador at ito ay naisalin na sa tinta ang aklat na iyong ginawa ay nagkakaroon na rin ng sariling buhay, pumapaimbulog, nagsasalita, kumakausap sa mambabasa na tila ba nagpapahiwatig, isang tinta ng imahinasyon na pumukaw sa iyong malikot na pag-iisip, kumintal sa iyong damdamin at tumimo sa bawat isa na bumabasa nito, ako ito isang tinta ng imahinasyon, hindi ang sumulat nito#